​بۆ بەڕێز کاک نێچیرڤان بارزانی

سەرۆکی هەرێمی کوردستانی عێراق

​سەرکۆنەی هێرشکردنە سەر ماڵی بەڕێزتان لە شاری دهۆک دەکەین. ئەم کارە تەنها پێشێلکارییەکی نایاسایی نییە بەڵکو هەوڵێکی مەترسیدارە بۆ تێکدانی سەقامگیری و کێشکردنی گەلی کوردستان بۆ نێو ئاگری شەڕێکی نەخوازراو. ئەم پەلامارە و ئەوانەی تریش کە بۆ سەر شارەکانی هەرێم دەکرێن، بەزاندنی ئاشکرای سەروەریی قەوارەی هەرێمی کوردستانە. بۆیە داواکارین لایەنە پەیوەندیدارەکان بە پەلە ڕێگری بکەن لەم پەرەسەندنە و سنوورێک بۆ ئەم جۆرە پێشێلکارییانە دابنێن.

​پ. دکتۆر عەلی قەرەداغی

سەرۆکی یەکێتیی جیهانیی زانایانی موسڵمان